Di 7ê de Hezîranê de Serokê Herêma Kurdistanê Mesûd Barzanî pêşwazî li Patrîkê Antakya û Suryaniyên Rojhilata Navîn û cîhanê, Mar Êgnatiyos kir.
Di hevdîtinê de Mar Êgnatiyos ji ber hewldana Barzanî ya ji bo parastina mesîhiyan sipas kir û bi gotina wî yaku gotibû “nabe mesîhî welatê xwe biterikînin” kêfxweş bûye.
Her wiha wî behsa aştî û pêkvejiyanê li Kurdistanê û Rojhilata Navîn kir û got,” ew dixwazin paşeroja mesîhiyan geş bibe û mafên wan bihên misogerkirin da ku ew terka welatê xwe nekin. ”
Serokê herêma Kurdistanê Barzanî jî behsa êriş û tehdîdên DAIŞê li ser nirxên mirovahiyê kir û got, ”DAIŞ tenê li dijî pêkhateyeke olî yan jî etnîkî nîne ew li dijî tevahiya mirovahiyê ye.”
Barzanî her wiha anî ziman ku qedera kurdan, mesîhiyan û gelên din ên Kurdistanê yek e û divê bi hev re bijîn û ti kes hizra terikandina zêda xwe neke.