Li paytexta Herêma Kurdistanê Hewlêrê di şeva 22.11.2016ê de di encma êrişeke çekdarî de Melayê mizgefta Omer Bindiyanî Wuşyar Îsmaîl hat kuştin. Mele Wuşyar Îsmaîl yek ji avakarê Yekîtiya Îslamî ya Kurdistanê (Yekgirtû) ya şaxa Hewlêrê bû.
Birayê Dr. Wuşyar Îsmaîl yê rojnamevan Diyar Goran “Dr. Wuşyar Îsmaîl duh bi şev di encama êrişa çekdarî de bi giranê birîndar bû. Ji bo dermankirinê rakirin Nexweşxaneya Hewlêrê. Tevî midexaleyan canê xwe ji dest da.”
Serokê Herêma Kurdistanê Mesûd Barzanî bi tundî ev kiryara terorî şermezar kir û got; ”Şehîdkirina mamoste Wuşyar, şehîdkirina dengê miyanrewî û pêkvejiyanê ye. Ev kirdara nemirovane, li dijî hemû aliyekê û bi taybetî li dijî min bi xwe hatiye encamdan û divê zûtirîn kujerên wî bibînin û telîmê yasaî bikin.
Herweha sekreterê yekem yê YNK Kosret Elî Resûl jî bi peyamekê a got; ”Terorkirina mamostayê olî, Mele Wuşyar karekî çepel û kirêt e û xaleke reş be bo ezmûna Herêma Kurdistanê ku kujerên wî nehê dîtin.”