Navenda Nûçeyan- Li gor medya xwecihî, îro artêşa Tirkîyê û grupên çekdar ên ser bi Tirkîyê ve, bajarokê Til Rifetê ku li bakurê Helebê ye û dikeve nav herêma Şehbayê li Rojavayê Kurdistanê topbaran kirin.
Herwiha li gor medya xwecihî di encama wê topbaranê de beşek ji wan zarok 9 kesên sivîl canê xwe ji dest dane û 10 kes jî birîndar bûne.
Li gor wan zanyarîyên hatine belavkirin herêmên xelkê sivîl bûne armanca êrişan û jibilî qurbanîbûna sivîlan, zîyaneke zêde gihiştîye mal û milkê xelkê
Bajarokê Til Rifatê ku di bin kontrola şervanên Yekîneyên Parastina Gel (YPG) de ye bi berdewamî ji alîyê topxaneya Tirkîyê û çekdarên ser bi Tirkîyê ve li Ezaz û Efrînê, tê topbarankirin.