Navenda Nûçeyan - Li gor çavkanîyên xwecihî, topxaneya artêşa Tirkîyê derdora herdu gundên Dibis û Hoşan li ser rêya M-4 topbaran kirine.
Li gor heman çavkanîyan, topxaneya Tirkîyê wêzgeha el-Seqir jî li ser rîya M-4 li bakurê rojavayê bajarokê Eyn Îsa topbaran kirine.
Li gor rêkeftina Rûsya û Tirkîyê, rêya M-4 di jêr çavdêrîya hevbeş a hêzên herdu welatan de ye, lê heta niha ew rê aram nebûye û car bi car ji alîyê hêzên Tirkîyê û grûpên çekdar ên opozisyona Sûrîyê ve rastî topbaranê tê.
Di dema êrîşa Cotmeha sala bihorî ya Tirkîyê de bo ser Rojavayê Kurdistanê, beşek ji wê rêya stratejîk ketibû bin kontrola komên çekdar ên ser bi Tirkîyê ve, lê piştî derbasbûna hêzên Rûsyayê bo navçeyên di bin kontrola Rêveberîya Xweser de û piştre rêkeftina navbera Moskow û Enqerê, ew komên çekdar ber bi bakurê rê ve vekişîyabûn.