Navenda Nûçeyan- Ji şeva bihorî ve êrîşên artêşa Tirkîyê bo ser Rojavayê Kurdistanê kêm bibû û topbaran hatibû rawestandin, lê belê ji îro serê sibê ve artêşa Tirkîyê careke din dest bi topbarankirina Girê Spî û Serê Kanîyê kirin.

Li alîyekê din, di encama êrîşa Tirkîyê ya bo ser Rojavayê Kurdistanê de, li gor zanyarîyên medyayî, heta niha 10 sivîlan canê xwe ji dest dane û bi dehan kes jî birîndar bûne.

Duh êvarê di encama topbarankirina navenda bajarê Qamişloyê de, zarokekî 12 salî yê bi navê Mihemed Yûsif Hisên jîyana xwe ji dest da û zarokeka 8 salî ya bi navê Sare Mihemed Hisên, pîrejineke 60 salî û kesekî din ê 35 salî ku navê wî Ehmed Ebdullah bûye, bi giranî birîndar bûn.