Bi sedema Tirkiye ji Rûsyayê sîstema hewayî ya S-400 an kirîbû, Amerîka dorpêçan danî ser Tirkiyê û wan xal û xal ragihand. Li gor qanûna dorpêçan ya bi navê CAATSA yê ya Amerîkayê; serokê sanayiya bergiriyê ya Tirkiyê ku bi wezareta bergiriyê ve girêdayiye İsmail Demir û 3 xebatkarên rêxistinê xistine lîsteya dorpêçan.
Li gor malpera wezareta xezînê ya Amerîkayê İsmail Demir, cîgirê serokê dezgeyê û hem serokê rêvebiriya Roketsanê Faruk Yiğit, di serokatiya sanayiya bergiriyê de ji daîra parastina hewayî û fezayî Serhat Gençooğlu û Mustafa Alper Deniz xistine nava lîsta dorpêçan.
Wezîrê karên derve yê Amerîkayê Mike Pompeo piştî ragihandina biryarê weha got:
“Em bang li Tirkiyê dikin ku yekser mijara S-400 an bi Amerîkayê re di nava koordînasyonê de çareser bikin. Teknolojiya S-400an teknolojiya leşkerî ya Amerîkayê û xebatkarên wê dixe nava talûkê. Me vê fikra xwe di asta bilind de gihandiye Tirkiyê.”
CAATSA ew qanûne ku ji 12 xalan pêk tê û eger meclisa Nûneran û Senatoya Amerîkayê biryara dorpêçan bide, serokê Amerîkayê mecbûre ji wan 12 xalan 5 ji wan bîne cîh.