Senatorê Komarî yê Amerîkî Ron Johnson, ji medya Amerîkî re ragihand, Washington ji ber polîtîkayên Tirkiyê yên ‘nerihetiyê didin’ difikire ku hêzên xwe yên asîmanî yên li Baregeha Asmanî ya Încîrlikê veguhêze Yûnanistanê.
Senatorê Amerîkî yê Serokê Komîteya Pêwendiyên Derve yên Ewropayê Ron Johnson, ji weşana Washington Examiner re plana veguheztina hêzên Amerîkî yên li bargeha Încîrlikê bibîr xistiye û gotiye, "Em nizanin wê çarenivîsa Încîrlikê çawa bibe. Em ya herî baş hêvî dikin, lê divê em ji bo senaryoya herî xirab jî plana xwe amade bikin.”
Johnson herwiha bibîr dixe ku bi taybet piştî hewla darbeya 15ê Tîrmeha 2016an, Serokomarê Tirkiyê Recep Tayyip Erdogan, bargeha Încîrlikê gelek caran wekî şantaj bikar aniye.