Şandeyeke ji Tifaqa Welatperwer û Demokrat ki ji Namzetê Serbixwe yê Şaredarîya Bajarê Mezin a Amedê Saît Aydogmuş, yê Yenîşehrê Ramazan Kahramaner û yê Rezanê Hîdayet Fîdan û Cîgirê Serokê PSKê Hasan Dagtekîn û Endamên KBNyê yên PAKê Nezîhe Karahan û Mehmet Alî Yilmaz pêkhatî îro, bi çerçoweya xebatên hilbijartinê çû serdana 7emîn Herêma Turk-Îşê.
Nûnerê Turk-Îşê yê Herêmê Zulkuf Karakoç sîyaseta HDPê rexne kir û got; dil dixwest yekîtîya kurdan pêk were lê mentiqa 'em êzingan jî deynin ew ê bi ser bikeve' li aliyekî, xeletîya wan a dawîn gelekî mezin bû ku nayê efûkirin. Rêvebiriyên herêmî kiriye ku sazîyên civaka sivîl tune bike. Elbet hin sedemên we jî hebû ku ketine rê. Em serkeftinê ji we re dixwazin."
Namzetê serbixwe yê Amedê Saît Aydoğmuş jî anî ziman ku di salên 70yî de pirrengîyek hebû û civak geş dikir lê aniha ev sîyaseta yekrengî bi çespandinên partîzanî û piştî vê jî pêvajoya qeyyûman xwestin rêvebiriyên herêmî bi awayekî sîyasî birêve bibin û gelê kurd di navbera van herduyan de fetisîye. Em dixwazin tifaqên jidil ava bikin ku rêjê li desthilatîyên hev bigirin.
Endamê Konseya Birêvebirinê ya Navendî Mehmet Alî Yilmaz jî got bi gotara 'dê bi ser nekevin' ku dengan nedin, dê şaşîyekê ye. Piştgirîdana hevûdu, wê bibe bingeha yekîtîya me û dengên me ku yek be dê bibe dido, sisê."