Wezîra karên derve ya Almanya Annalena Baerbock ragihand ku peymana navbera HSDê û Şamê ji bo Sûriyekî yekgirtî, pêngavekî baş dibînin. Fransa, Almanya û Yekîtiya Ewrûpayê peymanê bi dilxweşî pêşwazî kirin.
-Wezîra karên derve ya Almanya Annalena Baerbock ragihandina xwe di ser hesabê xwe yê medya civakî Xê de kir. Baerbock got:
“Sûriyeka aştiyane, tenê dikare di bin şertên ku pêkhate tev xwediyê mafên wekhev bin de, bijî. Tevlîbûna rojhilatê bakûrê Sûriyê ya bi entegrasyona Sûriyê re, ji bo Sûriyekî yekgirtî û ku temamê xelk û grûbên siyasî yên Sûriyê tevli bibin, pêngavekî girîng e.
-Wezareta karên derve ya Fransayê jî di daxwuyaniya xwe de got ku peymana entegrasyonê ya Rojava bi Sûriyê re, bi rizamendî pêşwazî dike. Fransa di daxwuyaniya xwe de got:
“Peymana siyasî ya ku hevkar DYAyê destekê dayê, ji bo Kurd entegreyê pêvajoya demkî bibin û Sûriye bigihê hev an bibe yek, gavekî erêniye. Wê Fransa xebata xwe ya ji bo diyaloga rêvebiriya Sûriyê û Rojavayê Kurdistanê dewam bike.”
-Nûnera bilind ya siyaseta ewlehiyê û têkiliyên karên derve ya Yekîtiya Ewrûpayê Kaja Kallas jî got ku ew peymana entegrasyona Rojavayê Kurdistanê ya bi Sûriyê re gelek baş dibînin û wê ev kiryar ji bo Sûriyê bêhtir îstîqrat û dahatûyekî baş karibe rê veke.