Namzedê Yekîtiya Demokratîk a Xirîstiyanan (CDU) Alî Toprak got, “Kurd parçe bûne û ez dixwazim bigihin hev.”
Li Almanyayê 23yê Sibatê hilbijartin tên kirin û bangeşe germ bûye.
Di nav namzedan de Kurd jî hene û dixwazin bibin dengê Kurdan û Kurdistanê.
Serokê Civaka Kurdî ya Almanyayê û Namzedê Yekîtiya Demokratîk a Xirîstiyanan (CDU) Hilbijartinên Almanyayê Alî Toprak pirsên Nûçegihana Rûdawê Ala Şaliyê Şaliyê bersivandin.
“Kurd parçe bûne û ez dixwazim bigihin hev”
Alî Toprak diyar kir, “Ez hewl didim Kurd li Almanyayê bibin xwedî pêgeheke girîng” û li pey çû:
“Min ji bo yekîtiya Kurdan karekî zêde kiriye. Kurd parçe bûne û ez dixwazim bigihin hev.
Ez ji Kurdistanê re xizmetê dikim.”
“Divê em nîşan bidin ku Kurd demokrat in”
Namzedê Kurd got, “Li Hamburgê pêwîstiya me bi dengên Kurdan heye” û da zanîn:
“Divê em nîşan bidin ku Kurd demokrat in, dema ez bi ser bikevim dê Kurd bi ser bikevin.”
Serok Mesûd Barzanî û Fermandarê Giştî yê Hêzên Sûriyeya Demokratîk (HSD) General Mezlûm Ebdî doh li Hewlêrê civiyan.
Alî Toprak li ser civînê got, “Civîna Mesûd Barzanî û General Mezlûm ez kêfxweş kirim.”
Toprak amaje pê kir ku CDU ne li dijî koçberan e û got:
“Li gel koçberiya neyasayî pirsgirêkeke mezin heye. Almanya nikare bêyî koçberan li ser pêyan bimîne.”
Rûdaw