Navenda Nûçeyan- Wezîrê Berevanîyê yê Tirkîyê Hulusî Akar, tevî fermandarên pilebilind yên Artêşa Tirkîyê serdana hêzên li ser sînorê Sûrîyê kir. Akar li wê derê da xuyakirin, hêzên wan li Îdlibê ji bo agirbestê roleke mezin dilîzin û ew 12 xalên çavdêrîyê vala nakin.
Akar got, ew ji Idlibê dernakevin û ferman dane hêzên li wê derê ne ku her çi êrişek li wan were kirin, ewê bersivên pêwîst bidin.
Akar herwiha got, ji bo parastina berjewendîyên netewî, li derve û hundir çi pêwîst be ewê bikin.
Ev daxuyanîya Akar di demekê de ye, ji roja 19ê vê mehê ve hêzên rêjîma Sûrîyê bi piştevanîya firokeyên Sûrî û Rûsî dest bi êrîşa bejahî ser gundewarê başûrê Idlibê kirine û heta niha grûpên çekdarên opozîsyonê hin navçeyan vekişîyane û 3 xalên çavdêrîyê yên Tirkîyê katine herêmên ku di destê rêjîma Sûrîyê de ne.