86 sal berî naha ango roja 07.08.1933ê ji aliyê rejîma wê demê ya Iraqê êrîş li ser qeza Sêmêl a ser bi parêzgeha Duhokê hat kirin û zêdetirî 63 gundên Xirîstiyanan hatin wêran kirin û zêdetirî 4 hezar kesên ji pêkhateya Xirîstiyanên wan gundan hatin şehîd kirin.
Ew bûyer berî 86 salan pêkhat û her sal li herêma Kurdistanê roja şehîdên Xirîstiyan tê bibîranîn.
Îro li nahyeya Enkawa ya Hewlêrê û li pêş dêr a Mar Yusif bi boneya wê roja şehîdên Xirîstiyan çalakiyên bibîranînê dê pêkbên.
Cîgirê serokê Yekitiya wêjevan û nivîskarên Siryanî Eked Murad, ku yek ji rêxistvanên wê merasîmê jî ew saziye, ji BasNewsê re ragehand: ‘’Sala 1933ê Xirîstiyanan daxwaza mafên xwe ji hikûmeta wê demê ya Iraqê kirin, lê hikûmetê bi awayê tundî, çek û kuştinê bersiv da û pêkhateya Xirîstiyanan ji komkujiyê re derbas kir.