Serokê Sendîkaya Rojnamegerên Kurdistanê Hekîm Azad di derbarê rewşa rojnamegerî û medya kurdî de ji BasNûçe’yê re axivî û Roja Rojnamegeriya kurdî li hemû rojnamegerên kurd pîroz kir. Azad di derbarê rewşa giştî ya rojname, govar, televîzyon, radyoyên kurdî yên li Herêma Kurdistanê, agahî da me. Azad eşkere kir ku niha 822 rojname û govar li Kurdistanê derdikevin û gelek ji wan piştî şerê DAIŞ’ê û qeyrana aborî weşana xwe dane rawestandin. Herwiha azad eşkere kir ku bi tenê niha 35 govar û rojname li Kurdistanê derdiçin û digihînin ber destên xwînerên xwe. Li aliyê din Azad eşkere dike ku hejmareke zêdetir ji 20 televîzyonên dîjîtal û satelaytî û nêzîkî 200 radyo li Kurdistanê hene û ew jî weşana xwe dikin. Azad eşkere bi wê yekê dike ku tesîra qeyrana darayî li ser televîzyon û radyoyên Kurdistanê jî pêk hatiye û geleke ji wan weşana xwe dane rawestandin.
Di bderdewamiya axaftina xwe de Hakîm Azad eşkere dike ku piştî 2003’an wan gelek hewlda ku rojnamegeriya kurdî pêş bikeve û ji azmûnên cihanê îstîfade bike. Herwiha Azad amaje li ser wê yekê dike ku wan ji Konfederasyona Rojnamegerên Navdewletî (IFJ) îstîfade kiriye û bûne bûne endamên konfederasyon e. Azad li aliyên din tekezî li ser wê yekê dike ku wan hin biryarên konfederasyonê wekek qanûnên xwe pejirandine û ew pabendî konfederasyonê ne û ji azmûna wan îstîfade dikin û rê li ber rojnamegerên endamê sendîkayê ne jî vedikin.
Berdewama wê