Navenda Nûçeyan- Îslam Ebdullah ji BasNewsê ra axivî û ragihand:”Îro roja sêşemê 03/ 12/ 2019an,800 malbatên ji bajarokê Seîdîyê û gundên wê koçber bibûn û hatibûn Germîyanê vegerîyane ser gund û warên xwe.”
Herwiha Îslam Ebdullah amaje bi wê yekê jî kir ku biryar bû ew malbat berîya bi mehekê vegerin. Lêbelê ji ber hin lêkolînên pêwîst û karûbarên emnî vegera koçberan mehekê dereng ketîye.
Îslam da zanîn ku hin karwenekî din ê penaberên Seîdîyê heye û ew ê jî vegerin ser mal û milkên xwe.
Rêxistina terorîst a DAIŞê di havîna sala 2014an bajarokê Seîdîyê û gundewarên wê dagir kir. JI ber wê dagirkerîya DAIŞê xelkê herêmê koçberî Xaneqînê û Germîyanê bibûn.
Çavkanî: Basnews