Navenda Nûçeyan- Berdevkê desteya mafên mirov ya Kurdistanê, Mihemed Gomeşînî ji BasNewsê re got, li Herêma Kurdistanê 309 girtî bi îdamê hatine mehkûmkirin ku piranîya wan zilam in.
Mihemed Gomeşînî da zanîn, ji wan girtîyan 287 zilam û yên din jî jin in. 9 jin li Silêmanîyê, 7 li Hewlêrê û 6 jî li Duhokê bi îdamê hatine mehkûmkirin. 129 zilam li Silêmanîyê, 76 li Hewlêrê û 82 jî li Duhokê bi îdamê hatine mehkûmkirin.
Bi gotina berdevkê desteya mafên mirov, cezayê îdamê ji sala 2008 ve heta niha nehatîye bicîhanîn.