Rêxistina Mafên Mirovan li Efrînê belav kir, grûpa Mihemed El Fatih bi armanca standina pereyan, 3 welatî ji gundê Memila yê navçeya Reco bi tometa ku pêwendîya wan bi Rêveberîya Xweser re hebûye, revandin.
Wê rêxistina mafên mirov navên kesên hatine revandin dîyar kirin: Çîçek Îbrahîm Çirto, Elî Mihemed Îbrahîm û Elîyê Kêlê.
Ji alîyekî din ve jî wê rêxistinê ragihand, hejmarek ji çekdaran ji duhî nîvro ve agir bi daristana nêzîkî gundê Berava yê li navçeya Şera xistine û ew agir heta nîvê şevê vêketibû, piştre ji alîyê tîmên agirkuj ve hat vemirandin.