Hate ragihandin ku îro 30yê Cotmehê du malbatên din ên koçberên Kurd ji Lubnanê vegeriyane Efrînê û hejmara malbatên ji ber şerê Îsraîl-Hizbullahê vegeriyane gihîştiye 200 malbatan.
Ji destpêka şerê Lubnanê û êrîşên Îsraîlê ve, bi dehan ji malbatên Kurd ên penaber vegeriyane Efrîn, Heleb û Şehbayê.
Çalakvan Mistefa Şêxo Welat TVyê re ragihandiye ku hejmara malbatên Kurd ên ji Lubnanê vegeriyane gihîştiye 200 malbatan, lê ew niha di rewşeke zehmet de jiyana xwe didomînin.
Şêxo daye zanîn ku komên çekdarên li Efrînê astengiyan li pêşiya malbatên vedigerin Efrînê derdixin û milkên wan li wan nayên vegerandin.