20 baroyên Bakurê Kurdistan û Tirkiyê, ji ber rewşa metirsîdar ya tendirustiya Aysel Tugluk, daxwaza azadkirina wê kirin.
Baroyên Diyarbekir, Mêrdîn, Wan, Îzmîr û Edene jî di nav de, bi giştî 20 baroyên Bakurê Kurdistan û Tirkiyê, bal kişandin li ser rewşa xirap ya tendirustiya parlamentera berê Aysel Tugluk û daxwaza azadkirina wê kirin.
Aysel Tugluk, sala 2005 wek hevseroka damezrîner ya Partiya Civaka Demokratîk -DTP hat hilbijartin. Kanûna 2016 bi tometa bangeşe û alîkariya PKKê hat zîndankirin û ji Kanûna 2016’ê ve di zîndanê de ye. heta niha bi giştî zedetirî 25 salan siza girtiye.
Li gor raportên pizîşkî, Aysel Tugluk li zîndanê rastî nexweşiya Alzaymer hatiye û rewşa wê ya tendirustî rê nade bi tenê pêdiviyên xwe yên rojane pêk bîne. Di gel kempînên ser torên civakî û bangên aliyan, azadkirina Tugluk tê retkirin.