Navenda Nûçeyan - Nêzikî 180 serbazên Kurd ên li nav rêzên hêzên Iraqêî zêdetirî 3 roj e, li xala pişkinînê ya bazargeha Mexmûrê hatine rawestandin û bi şev di nav otomobîlên xwe de radizên.
Bapîr Bedel, xelkê Şingalê ye û koçberê kampa Şêxan e, li nav rêzên hêzên Altûnî ye. Bedel dibêje, 40 rojan bi hêvîya 8 roj li mala xwe bimîne li ser erk bû û ev 3 roj e jî li xala pişkinînê derbas kirin.
Piranîya wan serbazên Kurd niştecihên parêzgeha Duhokê ne. Berpirsên parêzgeha Hewlêrê jî dibêjin, bi biryara Wezareta Navxwe, hemû cûre hatinûçûn li nav Herêma Kurdistanê û Iraqê hatîye ragirtin.
Herwiha ew berpirs dîyar dikin, ji bo ku rê bi wan serbazan bidin, pêwîstî bi biryareke nû ya Wezareta Navxwe heye.
Rudaw