Civata Wezîran bo cîbicîkirina xiçên giştîyên karnameya kabîneya nehem, 18 piroje yasayan dişîne Perlemana Kurdistanê. Giringtirîn ew piroje yasayê dihên şandin, yasaya budce ya Herêma Kurdistanê, çaksazî, piroje yasaya hevwarkirina yasaya weberhênanê, ji bilî çend pirojeyên taybet bi kerta tenduristîyê û pizîşkan.
Behcet Elî, endamê komîteya darayî û abûrî di Perlemana Kurdistanê de, aşkera dike, ku piranîya wan piroje yasayan bo cîbicîkirina karnameya kabîneya nehem di giring in. Nemaze jî piroje yasaya çaksazîyê, budce û hevwarkirina yasaya weberhînanê.
Werza yasadanana Perlemanê destpêkirîye û Perlemana Kurdistanê jî di dema sê rojan de piroje û pêşnîyazan wedigire. Lew pêdvîye hikumet di dema sê rojên dahatî de, pirojeyên xwe bişîne perlemanê.
Xedîce Mizûrî, endama komîteya yasaya perlemanê behsa wan rêyan dike ewên ku pirojeyên hikumetê pê re dibuhirin.
Pişkek ji pirojeyan pêdivî bi rêkkevtina sîyasî heye, wek pirojeya budceya Herêma Kurdistanê û yasaya çaksazîyê. Komîteyek jî ji Civata Wezîran û Perlemanê bo vê mebestê gotûbêjan dikin û berî bihêt şandin bo perlemanê rêkevtina sîyasî li ser dihên kirin.