Navenda Nûçeyan - Hevserokê Desteya Çandinîyê di Rêveberîya Xweser de Selman Barûdo ji K24 ragihand, ta nuha nêzîkî 120 hezar Donim dexl û danên cotkaran şewitîne ku piranîya wan li gundewarê Til Temire li gundên Qasimîyê, Rîhanîyê û Dawdîyê ne.
Amaje bi wê da, tevî Rêveberîya Xweser ji bo parastina zevîyan ji şewatê hemû tedbîr girtine, lê ta niha bi dehên hezran ji zevîyên genim û ceh li seranserî Rojavayê Kurdistanê şewitîne.
Demek e agir bi dexl û danên cotkarên Rojavayê Kurdistanê dikeve, berpirsên Rêveberîya Xweser jî artêşa Tirkîyê û grûpên çekdar ên ser bi wê û şaneyên razayî yên DAIŞê, bi şewitandina dexl û danê cotkaran tometbar dikin.