Navenda Nûçeyan - 12 komeleyên Elewî wek Federasyona Elewî Bektaşîyan, Komeleya Dêrsimîyan a Enqerê, Komeleya Vartoyîyan a Enqerê, Komeleya Kulturî ya Divrigi ya Enqerê, Komeleya Demokratîk a Elewîyan, Weqfa Anadolu ya Hecî Bektaş a Kulturî, Komleya Kulturî ya Pîr Sultan Abdal, Federasyona Komeleyên Xwecihî ya Kizilirmak û çendeke din di 83emîn salvegera Komkujîya Dêrsimê de ku di navbera salên 1937-1938ê de hat kirin, daxuyanîyeke nivîskî dan.
Di daxuyanîyê de daxwaz tê kirin ku 4ê Gulanê wek Roja Terteleya 38 a Dêrsimê bê qebûlkirin û cihê gorên Seyîd Riza û hevalên wî were eşkerekirin.
Herwiha daxwaz tê kirin ku li Parlamentoya Tirkîyê Komisyona Lêkolînê ya Terteleya 1937-38 a Dêrsimê were pêkanîn û asîmîlasyon û înkara li ser xelkê Dêrsimê tê pêkanîn bidawî bibe.
Di daxuyanîyê de tê gotin, “Divê 4ê Gulanê wek Roja Terteleya 38 a Dêrsimê bê qebûlkirin. Pêwîste derbarê Komkujîya Dêrsimê de ku di navbera salên 1937-1938ê de hat kirin daxwaza lêborînê ji xelkê Dêrsimê bê xwestin. Navê Dêrsimê bê vegerandin û çarenivîsa zarokên ku di komkujîyê de dane malbatên din were eşkerekirin.”
Herwiha daxwaz tê kirin ku cihê gorên Seyîd Riza û hevalên wî were eşkerekirin.