Sersefîrê Yewîya  Ewropa (YE) yê Tirkîya  şaredarê Mêrdîn, Wan û Diyarbekirî ê ke hetê Wezaretîya Karanê Zereyî ra wezîfe ra ameyê dûrfînayîş dir kombîyayîş kerd û desteg da înan.

Heto bîn ra protestoyê vera tayînkerdişê qeyûman  dewam kenê.

Serekê CHP Kemal Kiliçdarogluyî vizêr vatbi, ma desteg nêdanê protestoyan la ma eşkenê hetê sîyasî û dîplomatîk de  desteg bidê.

Naye ser o Şaredarê Mêrdînî Ahmet Turk, şaredarê Diyarbekirî Ahmet Selçuk Mizrakli û şaredara Wanî Bedia Ozgokçe Ertan Anqara de sersefîrê Yewîya ewropa dir kom bîy.