Merkezê Xeberan- Serêkê îstixbaratê Amerîka (CIA) o verîn David Petraeusî derheqê qirarê Amerîka yo ke qirar daya ke Rojavayê Kurdistanî ra eskeranê xo peyser bianco de qisey kerd û va: Amerîka bi ni qayde ortaxê xo yê kurdî tena verdaya. Kurdan şerê vera DAIŞî de qasê 10 hezar şehîd dayê.

David Petraeus o ke demêk fermandarê hêzê merkezî yê artêşa Amerîka (CENTCOM) bi wina dewam kerd. Sûrîye ra vejîyayîşê Amerîka do bibo sebeb ke, terorîstê DAIŞî do newe ra ganî bibê. No zî nîşanê ma dano ke şer do nêqedîyo.

Nê generalê Amerîka vano ke, Amerîka bi aşkere Kurdan rê xîyanet kerda. Wexto ke ez şîbîya Mûsil, kurdan mi ra vatbi, “ti zanî general! Tena koyî dostê kurdan ê” mi zî înan ra vatbi,  “ney, ney! hînî Amerîka zî dostê Kurdan a!” La êdî ma nika nêeşkenî behsê nê xîyanetî general Mezlûm (fermandarê pêroyî yê HSD) rê bike!