Serdozgerê Dadgeha Bilind daxwaza hilweşandina cezayê Demirtaş kir
Serdozgerê Komarê yê Dadgeha Bilind li Tirkîyê, xwest ku biryara cezayê li hevserokê giştî yê Partîya Demokratîk a Gelan (HDP) yê berê Selahattin Demîrtaş hate birîn, bi sedema “mafê xwepaastinê hate astengkirin” were hilweşandin.
Navenda Nûçeyan - Serdozgerê Komarê yê Dadgeha Bilind, xwest ku biryara 26emîn Dadgeha Cezayên Giran a Stenbolê ku 4 sal û 8 meh ceza li Demîrtaş birîye were hilweşandin.
26emîn Dadgeha Cezayên Giran a Stenbolê ji ber axavtina Selahattin Demîrtaş a 17ê Adara 2013an di çalakîyên pîrozbahîya Newrozê li navçeya Zeytinburnuya Stenbolê de, bi 4 sal û 8 mehan hatibû cezakirin.
Ji heman dozê parlamenterê berê yê HDPê yê Stenbolê Sirri Sureyya Onder jî bi 3 sal û 6 mehan hatibû cezakirin. Piştre Dadgeha Destûra Bingehîn derbarê serlêdana Onder de biryara binpêkirinê dabû û ew hatibû berdan.
Piştî projeyasaya înfazê rêya temyîzê ji Demîrtaş re hatibû vekirin.
Serdozgerê Komarê yê Dadgeha Bilind, xwest biryara 26emîn Dadgeha Cezayên Giran a Stenbolê li hemberî cezakirina Demîrtaş birîye bê xerakirin û ji bo parastina Demirtaş jî dem hat xwestin.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin