Rojhilatê Kurdistanî de yew xortê Kurdan seba ke referandûmê xoserîya Herêma Kurdistanî de desteg dabi referandûmî, serrêk cezaya hepisxaneyî dîya ci.

Teşkîlatê Heqanê Merdiman yê Hengawî aşkere kerd ke, vizêr dadgeha bajarê Îlamî ya Rojhilatê Kurdistanî, serrêk cezaya hepisxaneyî da ciwan bi namê Yûnus Basire. Yûnusî  serra 2017î de desteg dabi referandûmê xoserîya Herêma Kurdistanî û coka na ceza girewt.  Mehkema bi bahaneyê “tehdîdkerdişê asayîşê netewî” ceza da ci.

La çîyo ecêb Yûnus Basirî seba ke hetkarîye dayo referandûmê xoserîye, cezaya şûtişê gorê pasdaran zî dîyaya ci.