Şandeke HDPê wê biçe serdana Herêma Kurdistanê

Hate ragihandin ku şandeke Partiya Demokratî ya Gelan (HDP) di 6 vê mehê de, wê serdana Herêma Kurdistanê bike.

A+A-

Şanda HDP ji hevseroka wê partiyê Perwîn Buldan û Parlamenter Osman Baydemîr, Feleknas Ûca, Îmam Taşçier, Berdan Ozturk û çend rêvebirên din ên partiyê pêk tê.

Şanda HDP li paytexta Kurdistanê Hewlêrê, wê li gel Serok Mesûd Barzanî, Serokwezîrê Kurdistanê Nêçîrvan Barzanî û çend berpirsên din hevdîtinan bike.

Herwiha wê şanda HDP serdana Silêmaniyê bike û li wir jî wê li gel berpirsên YNK û Tevgera Goran bicive.

Li gorî zanyariyan, armanca sereke ya wê serdanê, destpêkirina gotûbêjan ji bo pêkanîna yekîtiya netewî Kurdî ye.

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin