Merkezê Xeberan - Prosesê vîrusê Korona de xeylê şaristanan de konserê balkonan dewam kenê. Hunermendê Dêrsimî zî nê prosesî de balkonan ser o aktîvîteyan kenê.

Hunermend Metîn Kahramanî deyîra Duzgun Babayî va û îfade kerd ke ''Ma vera nê janî Duzgun Babayî rê mînet kenê. Duzgun vera nê xirabîyan vindeno.'' Zeynepe û Zulfîkar Kiliçî zî deyîrî vatî, grûba tîyatroyî Areyê Kay zî derheqê vîrusê Korona de kayêko bi zazakî hadre kerd.

Şarî zî eleqeyêko pîl mojna performansanê hunermendan û pê çepik û govendan beşdarê performansan bi.