Hatîte Guzele vana, “Mudirê mektebî va keye de domananê xo de qisey bikerê û ma zî ziwanê xo nêmusna domananê xo. Ez zaf poşman a, wa her kes ziwanê xo bimusno domananê xo.”

Mekteban de vera musayîşê ziwanê dayîke astengî û qedexeyî dewam kenê. Tewr peynî 20 hezar mamosteyan ra seba mamostetîya Kurdkî tena 3 kontenjanî ameybî abirîyayîş. Nika vera na rewşe medyaya sosyale ser ra kampamyayî yenê viraştene. Dersa dînî ya mecbûrî û ambargoyê vera Kurdkî domanan ser o bandorêko xirab kenê.

Hatîce Guzele dewêka qeyaza Amargayî ya Sêwasî de cuwîyena. Guzele tehdaya mudirî ver domananê xo de Tirkî qisey kerda û poşman a ke ziwanê xo nêmusnayo domananê xo.

‘Dayê, ma çira ziwanê xo nêzanê?’

Hatîce Guzele derheqê ê wextî de va, “Ez nêşkaya ziwanê bimusnî domananê xo. Ma wexto ke Îstanbûl de bî, mudirê mektebî va, ‘Keye de domananê xo de Kurdkî qisey mekerê wa Tirkî bimusê û binusê’. Mi zî domananê xo de Tirkî qisey kerd û domanê mi ziwanê xo yê dayîke nêmusayê. Domanê ma bîyê pîl û înan mi ra va, ‘Dayê, ma çira ziwanê xo yê dayîke nêzanê? Şima çira ma nêmusnayê?’. Seba ke ma ziwanê xo yê dayîke nêmusna domananê xo, ma zaf poşman ê. Pîyê mi Kurmanc, maya mi Kirmanc bî. Wa her kes domananê xo de ziwanê xo qisey bikero.”

PÎRHA / SÊWAS