Riha de peymeyê germîya hewayî  40î ser de yo. Karkerê ke germîya hamnanî de mîyanê erdan de xebetîyenî  vanê:  Ma seba 50 TL roje de 14 saete binê tîje de xebetîyenî. Pê 50 TL tena kîloyêk goşt yeno.”

Aşmanê hamnanî de bajaranê tewr german ra yew zî Riha yo. Karkerê ke germîya hamnanî de mîyanê erdan de xebetîyenî îzeh kenî ke, 5ê serê sibayî ra heta 7ê şewe seba 50 TL xebetîyenî. 

Sara Kiliça ke pa mêrdê xo û 3 gedeyanê xo hêgayan de xebetîyena vana: Verê cû ma sey karkerê mewsîmî şîyêne Rojawanê Tirkîye, la 4 serrîyo ke seba ke awe ameya Pirsûs ma welatê xo de xebetîyenê. 

Kiliçe da zanayîş ke, ê saet 05.00 de werizenî û heta saet 07.00ê şanî xebetîyenî va: “Hende ezîyet seba 50 TL pere yo. Ma êdî hesretê şitişê kilanê xo yî. Wexto ke ma şonê keye ma nêeşkenê şamî daxî biwerî.”

Lajê Saraye Îlhamî Kiliçî zî qiseykerdişê xo de va: “Mi unîversîte wend. Ez beşa berze ra mezun bîya. La 3 serrîyo ke ez pewê tayînbîyayîş a. Coka mecburî pa keyeyê xo mîyanê hêgayan de xebetîyena. Pereyo ke keweno destê ma bi zorî mirdê werdê ma keno. Ma serê sibayî ra heta şewe binê tîje de xebetîyenî. Pê 50 TL tena kîloyêk goşt yeno.