Walîyê Wanî Mehmet Emîn Bîlmezo ke  şaredarî rê sey qeyûm ame tayînkerdiş, aşkera kerd ke meclîsê şaredarî ameyo betalkerdene.

Walîyê Wanî Mehmet Emîn Bîlmezo ke herinda hemşaredara Bajarê Girdî yê Wanî Bedîa Ozgokçe Ertane de sey qeyûm ame tayînkerdene endamanê meclîsî yê şaredarîye rê nuşte erşawit û aşkere kerd ke meclîs ameyo betalkerdene. Bîlmezî aşkere kerd ke ewro ra tepîya wezîfe û îdare encumananê şaredarîye de yo. Meclîsê şaredarîyo ke pêro pîya 71 endamê ci estbî, înan ra 44 ê HDP’yî û 27 zî yê AKP’yî bî.

Heto bîn ra Walîyê Wanî Mehmet Emîn Bîlmezo ke herinda hemşaredara Bajarê Girdî yê Wanî Bedîa Ozgokçe Ertane de sey qeyûmî ame tayînkerdene,  serekê daîreyî yê ke hetê HDP’yî ra ameyî cakerdene wezîfeyî ra girewtî.

Qeyûmê xespkarî ke 12 serekê dayîreyî, sekreterê pêroyîyî û xeylî mudirî wezîfeyî ra girewtî, kesê ke demê qeyûmî de xebityayêne newe ra girewtî. Qeyûmî hetkarê sekreterê pêroyîyî yo verên Ulkem Cem Kaplano ke bi qeydanê vengî ruşvetgirewtişê ci amebi îspatkerdene sey Mudirîya Pêroyîye ya VASKÎ rê ame teyînkerdene. Salîh Allahverdî zî sey Sekreterê Pêroyîye ame tayînkerdene. Hetê bînî ra polîsan eşt xeylî keyeyan ser û xebatkarê şaredarîye zî tede xeylî kesî destbend kerdî.

Heto bîn ra 32 kesê ke vizêr protesteyan de ameyî destbendekerdene TEM de yenê tepiştene.