Qeyûmê Beledîyeya qezaya Şirnexî Cizîre semedo ke 15 rojî maaşê ey nêameyo dayîş, Beledîyeya Cizîre rê dewa û akerd û semedê pereyanê xo beledîya da îcra.

 
Weçînayîşê 31ê Adare de HDP Beledîyeya Cizîre qezenc kerdbî û qeyûm şibi.
 La Qeyûmê Beledîyeya Cizîre Faîk Arican peyê xo de 220 milyon TL deyn verda û bînaya beledîya dewrê qeymenqamtî kerd.
 

Ame aşkerakerdiş ke, semedo ke maaşê qeyûmî yo peyên hetê beledîya ra nêameyo dayîş, qeyûmî beledîya dayo mehkema û îcra. Qeyûm Faîk Arican vano: 15 rojî pereyê mi zere de mendê. Ez pereyanê xo wazena.

 
Qeyûmo verên yew teblîgat erşawit beledîya û pereyê xo waştî. La semedo ke beledîya pereyê ey nêdê, naye ser qeyûmî beledîya da mehkema û îcra.

 
Hemserekê Beledîyeya Cizîre Mehmet Zırıgî cewab da teblîgatê qeyûmî û cewabê xo de wina va: Semedo ke deynê beledîya zaf ê ma nêeşkayê pereyanê to bide. Tenya 15 rojî maaşê qeyûmî zî 7 hezar TL yo.
 

Qeyumo verêno ke seba 15 rojî maşê xo beledîya dayo mehkema peyê xo de 220 milyon 793 hezar TL deyn verdabi.