Roniştişê dewaya 9 versûcanê ke kiştişê mudurê pêroyî yê rojnameyê Agosî Hrant Dînkî de ca girewto, Mehkemeya Cezaya Girane ya Stenbolî ya 14’ine de virazîya.

 Roniştiş de versûc Erhan Tûncel û versûcî Osman Hayal û Ersîn Yolcû Trabzon ra û versûcê tepişteyî Yasîn Hayal û Ogun Samast zî hepisxane ra bi rayîrê SEGBÎS’î tewrê roniştişî bîyî.

Versûcan hemverê îdîayanê derheqê înan de xo pawit. Xopawitişê versûcan ra dima heyete mabên da û mabênî ra dima qerar da. Heyeta mehkema dewaya kişyayîşê Hrant Dînkî de qerar da. Mehkema versûc Erhan Tûncelî rê 99 serrî û 6 mengî, Yasîn Hayalî rê 7 serrî û 6 mengî û Ogun Samastî rê zî 2 serrî û 6 mengî ceza da.