Merkezê Xeberan

Raya pêroyî rê

Seba ke ma beşdarê kombîyayîşê 'îtîfaqê netewî' o ke tarîxê  05.12.2019 de do bêro viraştiş, nameyê ‘’10 partì û hareket’’ ser o vanga parîyanê ma PSK û PAK) dîyabi. 

Mesulê partîyanê ma mîyanê xo de nê vengdayîşî ser o mişewre kerd û qerar da ke do beşdarê nê kombîyayîşî nêbê.

Seba sebebê zî ma roja 04.12.2019î de bi yew mektub eleqederan rê îzeh kerd.

La ewro raya pêroyî de vajîyeno ke, ê ke nê kombîyayîşî organîze kenê, pawenê ke wa PAK û PSK beşdarê nê kombîyayîşî bibê. Nê xeberî rast nîyê. Ma pey ra seba ke zanayîş bide raya pêroyî, ma do beyanatêk bide. Mektubo ke ma eleqederan rê rusnabi, ma waştêne dima aşkere bike la ma nê bîyayîşan ser o ma do ewro çapemenî ser ra aşkere bike.

Bi hurmetanê xo 

04.12.2019 

PAK (Partîya Azadîya Kurdistanî)

PSK (Partîya  Sosyalîst a Kurdistanî) 

***

Embazê Ercîyayî,

 Bi nameyê ‘’10 partî û hareket’’ ser o şima partîyanê ma (PAK-PSK)  reyde pêvînayîş kerdbi û  "Îtîfaqê Netewî "pêşnîyaz kerdbi, ma pêşnîyazê şima mîyanê xo de mişewre kerd. 

Partîyê ma (PAK-PSK) ke xeylê wexto ke mîyanê pêkerdişê netewî û demokratikî de ca gênê, wazenê cewabêko ortax bidê şima.

 Her çî ra ver ma wazenê vaje ke, prensîpanê mîlî û demokratik ser o îtîfaqêkê netewî, seba tekoşînê şarê ma û azadîya şarê ma qîmetin o.

Îtîfaqêko netewî, diyalog, hemparî, koordînasyon û hewldanê kongreya netewî seba têkoşînê azadîya şarê ma muhîm o û lazmitîyêk o.

 Çi heyf ke ma tarîxê xo de zî bîyê şahid ke, hewldanê îtîfaqê netewî û kongreya netewî bi aktoranê xeletan, bi metodanê xeletan û bi helwestanê xeletan bênetîce bîyê, nêbîyê serkewte.

 Tek tek perçeyan de îtîfaqê netewî zî, çar parçeyanê Kurdistanî de xebatê kongreya netewî zî, bi estbîyayîşê miletê Kurdî,  bi qebûlkerdişê qîmetanê mîlî, programkerdişê statûya sîyasî ya Kurdistanî, partîyê sîyasî, bi esasê demokrasi, bi qebûlkerdişê yewbînan rê hurmet û bi konsensusêk mumkin o.

Seba Vaşûrê Kurdistanî na lazimtî helbet aktuel a, muhim a. La aşkerayo ke îtîfaqê netewî bi aktorê ke wayîrê nê esasan ê reyde beno. Pêşnîyazê kombîyayîşê ‘îtîfaqê newtewî’ de aktoro tewr muhîm xo sey ‘partîya Tirkîya’ îfade keno. No îfadekerdiş gorê ruhê îtîfaqê netewî û demokratîkî nîyo û mîyanê xo de beno sebebê tezatî.

 Bi aktoranê xeletan netîceyêko rast mumkin nîyo.

 Bi nê şertan de hemparê ke pêşnîyazê ‘’îtîfaqê netewî’’ardê partîyanê ma, armanc û waştişanê înan de cîyayî estê û seba meseleya îtîfaqê netewî ke seba şarê ma zaf muhîn a problem teşkil keno.

Heto bîn ra seba ronayîşê îtîfaqê netewî astengîya bîne zî, pratîkê ke verê cû qewimyê û bîyê sebebê bêbawerîye.  Xebatanê verînan de, weçînayîşê 24ê Hazîrana 2018î de û pratîkê ke Platformê Ziwanê Kurdkî de qewimyayê, îmzayê ke amê eştene nêamê ca, tena çend heb nimuneyî yê. 

 Heto bîn ra prosesê pêşnîyazê kombîyayîşî de, beyanatê ke zerar dayê kombîyayîşî, seke îtîfaq esto wina yew îmaj ame xêzkerdiş. Nê beyanatî û helwestî goreyê ruhê îtîfaqî nîyê. Nê beyanatê xeletî, hetê qismêk partîyê ke pêşnîyazê kombîyayîşî ardê ma ra amê dayene. Bi no qayde bêbawerî hîna bîya zêde.

 Sebebê ke ma îzeh kerdê ra, ma beşdarê kombîyayîşê şima nêbenê; La ma do seba têkoşînê azadîya şarê Kurdistanî, seba pêkerdiş û dîyalogê partîyanê mîlî, demokratik, siyasî, seba xebata îtîfaqê netewî, xebatanê xo her daîm bidomne. 

 Ma xebatanê şima de şima rê serkewtiş wazenê.

04.12.2019

PAK (Partîya Azadîya Kurdistanî)

PSK (Partîya Sosyalîst a Kurdistanî)