Silêmanîye de nêweşîya Kolerayî peyda bîye. 

Silêmanîye de wakayê Koronayî ameyê dîyayene. Organîzasyonê Sihetî yê Dinyaye vera nêweşîye dermanî erşawitê. Wezaretîya Sihetî ra malûmatêk ame kerdene. Nînan va, “13 laboratûwaran de testî ameyê viraştene û netîceya testan de vejîya orte ke, na nêweşî ya Kolerayî ya. Nê wakayan ra 10 tenî Silêmanîye de bî. Ma hedreyîya xo vînenê û ma wazenê demêkî kilmî de vere nêweşîye bigerê.”

Mudirtîya Sihetî ya Silemanîyeyî kerdibî eşkera ke, 8 nêweşê ke îshal bibî û viritêne mîyanê aşma Hezîrane de merdê. Înan ra 2 kesî doman bî. Badê bi netîceya testan bi eşkera ke, ê Kolerayî ver merdê. Naye ser ra rewşa acîle ameye îlankerdiş.