Zîndanê Riha de tepişteyo nêweşo giran Bazo Yilmaz dinayaya xo bedilna.

Zîndanê Riha de tepişteyo nêweşo giran Bazo Yilmaz (67) vizêr şan wefat kerd. Cenazaya Yilmazî wedarîyaye Dezgehê Tipê Edlîyî (ATK).

Yilmaz 8ê sibata 2021î de meseleyanê weşîye ra wedarîyabi Dezgehê Tipê Edlîyî la raporê 'eşkeno zîndan de bimano' dîyabi ci. Mehkemeya Qanûnê Bingeyî de îtîrazê raporî amebi kerdene la îtîraz nêame qebulkerdene. Yilmazo ke tede Nêweşîya Cigêrî ya Kronîke (KOAH) est bîye, bê cîhazê oksîjenî nêeşkayêne nefes bigêro.

Şaredaro verê ê Goganî û Endamê Meclîsê Şaredarîya Xaşfetî Bazo Yilmaz 12ê kanûna 2016 de çarçewa operasyonanê vera KCKyî de amebi destbendkerdene û dima tepişîyabi. 2018 de bi îdîaya 'endamîya rêxistine' cezaya zîndanî ya 9 serran dîyabî Yilmazî.