Programê Xida yê Dinya (WFP) yo ke pabesteyê Neteweyê Yewbîyayeyî yo, pêhesna ke Komara Afrîkaya Mîyanêne de tewr tay se ra 40’ê nufûsê ci vêşan o û nîme ra zêdeyêrê nufûse zî muxtacê xida yo.

Goreyê raporo ke hetê Programê Xida yê Dinya (WFP) ke pabesteyê Neteweyê Yewbîyayeyî (NY) yo, serra 2013’î ra heta menga Sibata emserî Komara Afrîkaya Mîyanêne de, şero xomîyanên hema dewam keno û bi mîlyonan kesî vêşan ê.

 Bi Pêroyî Hîrê ra diyê Înan Muhtacê Hetkarî yê

Gorê raporê WFPî serra 2013’î de kewtişê serekê dewlete Françoîs Bozîze ra dima, Komara Afrîkaya Mîyanêne de rîyê şerê xomîyanênî ra problemêko pîl ê vêşanîye esto. 4.5 nufûsa ci ra tewr tay 1.8 mîlyon vêşan ê. Rapor de ame vatene ke hûmara kesanê ke muhtacê hetkarîya erzaqî yê tewr tay 2.9 mîlyon a û nîmeyê na hûmare zî gede (doman) ê.

Şerê Mabênê Grûban Dewam Keno

Verê şerê xomîyanênî ke nufûsa Komara Afrîkaya Mîyanêne nizdê 5.1 mîlyonî bîye, dima ra serra 2013 de tewr tay 600 hezar kesan  koçê  welatanê cîranan kerd. Peymana aşitîye ya ke menga Sibate de ameybî îmzakerdene zî problemê asayîşî hal nêkerd. Destpêkê şerê xomîyanênî ra heta nika 8 rey peymana aşitîye amey îmzakerdene.