Mizrakli û Yilmaz hatin desteserkirin

Hevserokê Şaredarîya Bajarê Mezin a Amedê Selçuk Mizrakli ku qeyûm li şûna wî hatîye danîn ‎û Hevseroka Şaredarîya Kayapinarê Keziban Yilmaz hatin desteserkirin.‎

A+A-

Navenda Nûçeyan- Li beramber sîyasetmedar û serokên şaredarîyan ên HDPê operasyonek hat destpêkirin.

‎Hevserokê Şaredarîya Bajarê Mezin a Amedê, Selçuk Mizrakli ku qeyûm li şûna wî hatîye danîn ‎û Hevseroka Şaredarîya Peyasê, Keziban Yilmaz îro demjimêr 06.00 li malên xwe hatin ‎desteserkirin.‎

Di serdegirtinên malan de Hevserokên Şaredarîya qezaya Bismilê ya Amedê Gulcan Ozer û ‎Orhan Ayaz û Hevseroka Şaredarîya Kocakoy Rojda Nazlier jî hatin desteserkirin.‎

Selçuk Mizrakli, li ser pişka HDPê di hilbijartinên 31ê Adara 2019an de ji sedî 62ê dengan bidest ‎xistibûn û weke Serokê Şaredarîya Bajarê Mezin a Amedê hatibû hilbijartin.

Mizrakli, 19ê ‎Tebaxa 2019an ji aliyê Wezareta Navxwe ya Tirkîyê ve ji kar hatibû dûrxistin.‎

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin