Ewro Parlemantoyê Kurdistanî kom bi û kabîneya newî ya hukmatê Herêma Kurdistanî dest bi kar kerd. Serekwezîrê Herêma Kurdistanî Mesrûr Barzanî zî sey Serekwezîrê kabîneya newî sond wend û dest bi wezîfe kerd.

Parlementoyê Herêma Kurdistanî seba tesdîqkerdişê kabîneya hukmatî ya ke do bi serekwezîrîya Mesrûr Barzanî de bêro ronayîş, ewro saete 11.00 de amey pêser.

Parlamento de raydayîş ame kerdene û Mesrûr Barzanî bi 88 rayan bi serekwezîr û Qûbad Talabanî zî bi 73 rayan bi hetkarê serekwezîrî.

30’ê Êlul a 2018’î de weçînitişî ameybî kerdene û 283 rojî dimayê weçînitişî ra hukmat ame ronayene. Kabîne de mîyanê 23 kesan de tena 3 cinîyî estê.

Parlemento de raydayîşî ra dima wezîrê ke ameyê weçînayîş nê yê:
Mesrûr Mesûd Mûstafa Barzanî – Serekwezîr
Qubad Celal Husameddin Talabanî – Hetkarê serekwezîrî
Fersed Ahmed Abdullah – Wezîrê edaletî
Şoreş Îsmail Abdullah – Wezîrê karê pêşmergeyan
Reber Ahmed Halîd – Wezîrê karanê zereyî
Awat Cenab Nurî Salihe – Wezîra malîye
Saman Huseyîn Muhammed Berzîncî – Wezîra weşîye
Alan Heme Saîd Salih Muhammed – Wezîrê perwerdeyîye
Dana Abdulkerîm Heme Salih Abdulrahman – Wezîrê îmarî
Sasan Osman Awni Habîb – Wezîrê şaredarî û tûrîzmî
Aram Muhammed Kadîr Emîn – Wezîrê wekendişê zanistîyan û wendişê berzî
Dara Reşîd Mahmud – Wezîrê plansazîye
Kwestan Muhammed Abdullah Maruf – Wezîrê xebatanê cimatkîyan
Muhammed Saîd Alî – Wezîrê kultur û ciwanan
Abdullah Mahmud Muhammed San Ahmed – Wezîrê şehîd û Enfalî
Begerd Dilşad Şukrullah – Wezîrê zîretî
Kemal Muslim Saîd Qerenî – Wezîrê tîcaretî
Anu Cewher Abdulmesih Abdullahe – Wezîra resî
Piştîwan Sadık Abdullah – Wezîrê karanê dînîyan
Kemal Muhammed Salih Halîl – Wezîrê elektrîkî
Halid Selam Saîd – Wezîrê herême
Aydın Maruf Selim – Wezîrê herême
Vala Ferîd Îbrahîm – Wezîrê herême