Qeyûmo ke tayînê Şaredarîya Bajarê Girdî ya Amedî ame kerdene meclîsê şaredarîye bi hawayo fîîlî fesh kerd.

Qeyûmî kombîyayîşê xo yê yewin yê meclîsî de herinda 93 endamanê meclîsî yê ke weçînayîş de ameyî weçînayîş de wezîfe da 5 karmendanê dewlete.

Walîyê Amedî Hasan Basrî Guzelogluyo ke hetê Wezîrîya Karê Zereyî ra sey qeyûm tayînê Şaredarîya Bajarê Girdî yê Amedî ame kerdene, kombîyayîşê xo yê yewin yê meclîsî 11ê êlule de viraşt. Vejîya orte ke qeyûmî no kombîyayîş de herinda 68 endamanê meclîsî yê HDP, 22 endamê meclîsî yê AKPyî û 3 endamê meclîsî yê SPî de 5 karmendî wezîfe kerdî.

No kombîyayîş de qerarê meclîsê yê derheqê 5 camîyanê ke hîmê înan hetê Şaredarîya Peyasî ra ameyîbî eştene zî ame betalkerdene.

Bi nê qerarî meclîsê şaredarîe yê weçînayî bi hawayo fîîlî ame feshkerdene