Merkezê Xeberan - Fermandarê Pêroyî yê HSDyî Mazlûm Ebdîyî îfade kerd ke dewleta Tirkîya hema zî peymananê 17 û 22ê teşrîna verêne binpay kena. Ebdîyî behsê hêrişê Kobanî ke 4 kesî merdî kerd û vat: ''Dewleta Tirkîya polîtîkaya xo ya qirkerdişî dewam kena"

Mazlûm Ebdîyî hesabê xo yê twitterî ser o beyanatêk da û vat: ''Tirkîya hema zî huqûqê mîyanneteweyî û peymananê 17 û 22ê teşrîna verêne binpay kena ke nê peymanî pê paştdayîşê Hetkarê Serekê Amerîka Pence û Serekdewletê Rûsya Vlademîr Putinî ra ameyî hadrekerdene û derheqê vindartişê hêrişanê dewleta Tirkîya yê vera herême yê.

Fermandarê Pêroyî yê HSDyî Mazlûm Ebdîyî eleqa ant hêrişê dewleta Tirkîya yê dewa Helincê ya Kobanê ser û vat: “Serrgêra 5. ya qirkerdişê serra 2015î ke  271 cinîyî, kalî û tutî kişîyayî de hêrişê vera dewa Helincê ya Kobanê nîşam dano ke, no dewamê polîtîkaya qirkerdişanê kurdan o.”