Li Tirkîyê û Bakur hejmara bêkaran gihişt 4 milyon û 394 hezar kesan
Li Tirkîye û Bakurê Kurdistanê di nav kesên 15 salî û jor de hejmara bêkaran di Kanûna 2019an de li gor heman meha sala 2018an 92 hezar kes zêde bû û gihişte 4 milyon û 394 hezar kesan.
Navenda Nûçeyan - Herwiha rêjeya bêkarîyê bi zêdebûna 0,2 puan gehişte ji sedî 13,7an. Bêkarîya li derveyî kiştûkalîyê jî bi zêdebûna 0,2 puan bû ji sedî 15,8.
Di Kanûna 2019an hejmara kesên hatine damezrandin, li gor heman dema sala derbasbûyî 3 hezar kes zêde bûne û gehiştîye 27 milyon û 658 hezar kesan, rêjeya damezrandinê bi kêmbûna 0,7 puan daketîye ji sedî 44,7.
Di vê heyamê dehejmara li sektora kiştûkalî hatine damezrandin 225 hezar, li sektora avahîsazîyê 119 hezar kes kêm bûye, li sektora pişesazî 225 hezar û li sektora xizmetguzarîyê jî 122 hezar kes zêde bûye.
Ew ên hatine damezrandin ji sedî 16,5 kiştûkalî, ji sedî 20,6 pêşesazî, ji sedî 5,4 avahîsazî û ji sedî 57,5 jî li sektora xizmetguzarîyê cîh digrin.
Rêjeya bêkarîyê di nav grûpa ciwanên 15-24 salî de li gor heman dema sala derbasbûyî bi zêdebûna 0,5 puan bûye ji sedî 25,0, rêjeya damezrandinê jî 0,5 puan kêm kirîye û bûye ji sedî 31,9.
Herwiha di heman demê de rêjeya beşdarbûna hêza 0,5 puan daketîye û bûye ji sedî 42,5.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin