Navenda Nûçeyan- Li gor daxuyanîya parêzgarîya Şirnexê, ew teqîn li nêzikî binkeyeke serbazî ya artêşa Tirkîyê li navçeya Xezexê ser bi wê parêzgeha Bakurê Kurdistanê ve rû daye.

Li gor zanyarîyên hatîye belavkirin bombeyeke destçêkirî li nêzikî binkeya serbazî ya leşkerên Tirkîyê li devera girê Pîsîkaya, bombeyeke destçêkirî hatîye tespîtkirin.

Li ser tespîtkirina wê bombeyê serbazên pispor ên wî welatî hewl dane ku bombeyê bêbandor bikin, lê li gor zanyarîyan ew bombe di nav leşkerên Tirkîyê de teqîyaye û di encamê de 2 leşkerên wî welatî hatine kuştin û 7 jî birîndar bûne.

Herwiha hatîye ragihandin ku operasyonên li wê herêmê li dijî gerîlayên PKKê berdewam dikin.

Derbarê wê teqînê de heta niha ji alîyê PKKê ve ti zanyarîyek nehatîye belavkirin.