Parêzgeha Şirnexê ragihand ku li Şirnexê Çiyayê Cûdî, Altındağları û Oymakaya ji bo 15 rojan weke herêmên ewlehiya taybet hatine ragihandin û çûnûhatina deverê ji bo 15 rojan hatiye qedexekirin.

Parêzgeh weke sedem jî ‘Temîna Ewlehiya Netewî’ û ‘berlêgirtina kirina sûcan’ nîşan da.

Herêmên navborî dikevin nav sînorên navenda Şirnex, Güçlükonak (Çiyayê Gabarê), Cûdî ku dikeve nav sînorên Şirnex, Silopiya û Cizîrê, Altındağları jî dikeve nav sînorê Beytuşebab û Qilaban.

Qedexe ji 25ê Gulanê destpêdike û heya 8ê Hezîranê dewam dike. Herkesê ji herêman derê an bikeve herêmên navborî, divê ji hêzên asayîşê û parêzgehê îznê bistîne.