Li Şirnexê 15 herêm hatin qedexekirin û operasyon hat destpêkirin
Li bajarê Şirnexê 15 navçe weke ‘herêmên serbazî’ hatin ragihandin. Li Çîyayê Gabarê jî artêşa Tirkîyê operasyonek da destpêkirin.
A+A-
Navenda Nûçeyan- Li gor daxuyanîya parêzgarîya Şirnexê, li wî bajarê bakurê Kurdistanê, 15 navçe weke ‘herêmên ewlekarîya taybet’ hatin destnîşankirin.
Herwiha li gor wê daxuyanîyê, ew navçeyên ku herêmên çîyayên Cûdî, Gabar, Kato û herwiha zozana Feraşînê jî di nav de ne, ji 31ê Çileyê heta roja 14ê Sibatê hatine qedexekirin û nabe hemwelatî derbasî wan navçeyan bibin.
Li alîyê din artêşa Tirkîyê li Çîyayê Gabarê, li dijî gerîlayên PKKê, bi navê ‘Kapan-5’ dest bi operasyoneke nû kir.
Li gor daxuyanîya Wezareta Navxwe ya Tirkîyê, hejmareke cerdevanan jî di nav de, bi giştî 780 kes di wê operasyonê beşdar in.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin