Navenda Nûçeyan - Berdevkê rêveberîya polîsê Dîyale Nîhad Mihemed îro 05.05.2020ê ji BasNewsê re ragehand: ‘’Derengê şeva borî ji ber êrîşa çekdarên DAIŞê li bajarokê Buhriz a ser bi Baqube ya navenda parêzgeha Dîyale leşkerekî Iraqê birîndar bû.’’

Herwaha got: ‘’Piştî wê bûyerê tîmeke artêşê çû cîhê bûyerê û bombeyekî çandî di wan de hat teqandin û ji ber wê jî leşkerekî jîyana xwe ji dest da û 3 leşkerên din jî birîndar bûn.’’

Herwaha endamê lijneya ewlehîyê li encûmena şaredarîya Hewîce Ehmed Xurşîd ji BasNewsê re ragehand: ‘’Şeva borî li gundê Bîr Mehdî ya ser bi sînorê qeza Hewîce ya ser bi Kerkûkê, çekdarên DAIŞê bi qenasê ango çekên segvanîyê ve du leşkerên Iraqê yên bi navê Heysem Mehawîş û Mahir Salih kuştin û piştî wê êrîşê jî terorîstên DAIŞê revîyan.’’