Serekê Pêroyî yê CHP Kemal Kiliçdarogluyî derheqê heqanê Kurdan de qisê kerd û vano: Ziwanê maye heqêk o û gere Parlamentoyê Tirkiya de seba ziwanê kurdî qanûnî bêrê vetiş.

Kiliçdarogluyî semedê ziwanê Kurdkî wina va: Tirkîya bi qedexeyan nêresena cayêk, gere ziwanê Kurdkî serbest bo û parlemento ziwanê Kurdan qebûl biko.

Serekê Pêroyî yê CHP Kemal Kiliçdaroglu Îstanbûl de xeylê mela, dîndar û şexsîsyetanê şinasnayeyanê Kurdan, rojnameger û karsazan dir pîya beşdarê programê fitarî bi.

Kiliçdarogluyî fitarî ra pey televîzyona Kurdistan24 rê qisê kerd û wina va: Lazim o ziwanê kurkdî bi awayêko qanûnî bêro şuxulnayîş, bidîyo mûsnayîş û wendiş.  Semedê ney zî gere parlemento de qanûnî bêrê vetiş. Cayê nê meseleyan zî Parlamentoyê Tirkîya yo. Ma semedê Demokrasî gere nê çîyan bike. Gere no welat de her kes bieşko ziwanê xo bimuso û bi ziwanê o biwano. Ma pêro naye wazenê.

Verê cû zî namzetê Beledîyeya Îstanbulî yê CHP Ekrem Îmamogluyî zî aşkera kerdbi ke o do kursanê beledîya de ca bido ziwanê Kurdkî zî.