Anqara de Cemal Yildirimo ke bi Qerarnameyê Hukmê Qanûnî wezîfeyê ra amebi îxrackerdene gama ke vernîya bînaya AKP de karê xo peyser waştêne ame derbkerdiş û tepiştiş.

Endamê Sendîkaya Kedkaranê Buroyî (BES) Cemal Yildirimo ke rîyê Qerarnameyê Hukmê Qanûnî (KHK) wezîfeyê xo ra  ame îxraçkerdene û her roje Cehdeyê Sakarya de çalakîya roniştişî kerdêne, çalakîya xo berd vernîya Serekîya  AKP ya  Anqara.

Polîsan Yildirimî rê vat "Walîtî qedexe kerd" û o asteng kerd. Yildirimî îzeh kerd ke wazeno heqê xo yê qanûnê bingeyînî bixebetno û va: "Stenbol, Edene û Amed de çalakîyê winasînî yenê viraştene. A ke şima kenî bêhuqûqî ya." Polîsan nêverda Yildirim pankartê xo bikero a û o destbend kerd. Cemal Yildirim wexto ke ame destbendkerdene sloganê "Serkewtiş do bibo ê kedkaran.", "Ma do pê xoverdayîşî ser bikewê." eştî