Kastamonu de vera karkeranê êlihijan hêrişo çekdar ame kerdene, karkerêk ame qetilkerdene û yew zî birîndar bi.

Qezaya Cide ya Kastamonu de karkerê kurdî yê êlihijî Abdurrahman Birgun (47) û Hamit Oran (33) raştê hêrişê çekdarî yê wayîrê banê xo ameyî.

Karkeran gama ke bodrum de semedê kar kincê xo bedilnayêne raştê hêrişê wayîrê banê xo Serhat O.yî ameyî. Wird karkerî zî bi giranî birîndar bîyî û wedarîyayî Nêweşxaneyê Dewlete yê Cide. Karkeran Abdurrahman Birgun nêweşxane de dinyaya xo bedilnaye. Dîya zanayene ke tehlukeyê cuye yê Hamit Oranî çîn o. Serhat O.yo ke ame destbendkerdene sewqê edlîye bi.