Temsîlkarê Amerîka yê Sûrîye James Jeffreyî Rojavayê Kurdistanî ziyaret kerd û vizêr bajarê Hesekê yê Rojavayê Kurdistanî de heyetanê ENKS û PYNK de kombîyayîş kerd.

Kombîyayîşî ra dima James Jeffreyî semedê diyalogê Kurdan yê Rojavayê Kurdistanî hetkarîya Amerîka aşkere kerd.

Endama Serekîya Encûmena Niştimanî ya Kurdî ya Sûriye (ENKS) Fesla Yûsif, derheqê ameyîşê James Jaffreyî de va ke“ Kombîyayîşê James Jeffreyî yê heyetanê Kurdan de, ey semedê diyalogê mabênê hêzanê Kurdan  destege Amerîka aşkere kerd”

Fesla Yûsifa ke endama heyeta ENKS ya, kombîyayîş de Jeffreyî de qisey kerd û tderheqê kombîyayîşî de çîyêko zêde nêvat.

Goro ke vajîyeno pêvînayîşê James Jeffreyî yo bi heyeta ENKSê û PYNK de Hasekê de ronayîşê cayê eskî yê Amerîka ser o zî ameyo qiseykerdiş.

Her di hetê Rojavayê Kurdistanê, ENKS û PYD bi serekîya Amerîka û destegê Fransa û Herêma Kurdistanî çend aşmîyo ke pêvînayîş kenê.